శివకుమార్ శర్మ గారి సంతూర్ వాదనం ఎంత మధురంగా వుంటుంది! చిటపట చినుకులతో అమృతం చిరుజల్లుగా కురుస్తున్నట్టు, గంగా నదిలో   సాయంకాలం పడవ సాగిపోతున్నట్లు, నీరెండలో గోదారి తళతళలాడుతున్నట్లు.....
నిజమే! సంగీతానికి ఎంతో సమ్మోహన శక్తి వుంది. భగవంతుడిని చేరుకునే మార్గాలలో నాదోపాసన కూడా ఒకటి. త్యాగయ్య, రామదాసు, అన్నమయ్య, పురందర దాసు వంటి ఎందఱో మహనీయులు ఈ సత్యానికి సాక్షులు.
రాగ భావాలకు భక్తిని జోడించి, వారు ఆలపించిన కీర్తనలు ముక్తికి సోపానాలు.

ఆది శంకరాచార్యులు రచించిన అర్ధనారీశ్వర స్తోత్రంలో పరమేశ్వరుడి ఘోర,అఘోర రూపాలు రెండింటి ఎంతో చక్కగా చిత్రీకరించారు.  

అందాల రాముడు ఇందీవర శ్యాముడు ఇనకులాద్రి సోముడు ఎందువలన దేవుడు?
రాముడు త్యాగ ధనుడు . తండ్రి మాట కోసం రాజ్యాన్నే గడ్డి పరక లాగా త్యజించాడు . వినయం,పరాక్రమం,ధర్మం మొదలైన సద్గుణాలన్నీ రాముడిలో వున్నాయి . రాముని జీవితం ఆదర్శాలకు, విలువలకు కట్టుబడి సాగింది . మానవుడై పుట్టి మాధవుడైనాడు శ్రీరామచంద్రుడు . ఎన్నో మంత్రాలు ,బీజాక్షరాలు ఉన్నప్పటికీ, ఒక్క రామనామానికి మాత్రమే తారకమంత్రం అని పేరు వచ్చింది . అంటే ఈ సంసార సాగరం నుండి తరింప చేసేది అని అర్ధం . శ్రీ రామ చంద్రుడు ఎవరిని తన శత్రువులుగా భావించలేదు. తనను అడవులకు పంపిన కైకమ్మను గాని తన భార్యను అపహరించిన రావణుడినిగాని ద్వేషం తో ఎన్నడూ  చూడలేదు.  వాలిని చంపినా,రావణుడిని వధించినా,విభీషణుడికి శరణొసగినా , అన్నీ తన  కర్తవ్యంగా భావించి,ధర్మబద్ధంగా ప్రవర్తించాడు. ఒక్క సారి శ్రీరామ రామ రామ అంటే విష్ణు సహస్ర నామం జపించినంత పుణ్యం వస్తుందని సాక్షాత్తు ఆ పరమశివుడే పార్వతి దేవితో పలికి వున్నాడు.

శ్రీరామ రామ రామేతి రమే రామే మనోరమే
సహస్రనామ తత్తుల్యం రామనామ వరాననే